Устоз Жамол Камол ҳаёт эдилар, аммо Озарбайжон Маданият маркази Ганжавийдан қилган таржималари тақдимотига чақиришни “унутганди”. 😄
Мен инглиз тилига ўгирган “Паҳлавон Маҳмуд” китобини эса бир учар “олимча” ўз номидан чиқарворибди. 😄
Халқаро адабиёт фестивали, халқаро ижод уйи ва ЮНЕСКО Адабиёт шаҳарлари ҳақидаги таклифларимни ҳам ўз номларидан расман эълон қилишди. Ҳатто бу ҳақда менга ўзлари телефон қилиб, ҳисобот ҳам беришди бетамизлар! 😄
Қўлидан тортиб чет элларга олиб чиққанларим, яхши дастурларга тавсия қилганларим бор: қумга сингиб кетди. Ҳасад ўлсин-а!
Чин ижодкор бўлиш қийин. Кимнингдир меҳнатини тан олиш эса ундан ҳам қийинроқ экан.
Бугун яхши бир университет домласи билан гаплашдим. Сўраганим учун айтди: (озгина ёрдамим туфайли) иккита яхши лойиҳани тугатибди. Ҳатто Жеймс Жойс таржимасини чиқарибди, яна бир асар нашрга тайёр экан.
Шунда яна бир бор англадим:
гап раҳматда эмас, хотира ва виждонда.
Сал илгарилашингизга ҳисса қўшган бўлсам, сўрамасимдан аввал бир оғиз хабар қилиб қўйинг, барака топгурлар. 😄
Балки, қанотларим янада каттароқ ўсиб, янада кўпроқ одамга ёрдам бергим келар.
Ҳали шу дунёдаман-ку! 😄
