Мендан 3-4 та ҳайку, шеър ё ихчамроқ насрий асарни кўриб ё таржима қилиб берганим учун “ҳақи қанча бўлади?” деб сўраманглар, барака топгурлар. Том-том китобларни текинга таржима қилиб, ўз ҳисобимдан чиқариб юрган одамман. Тўғри, энди у пайтлар ўтди.
Яхшиси, мендан инглиз тилида гаплашишни ўргатишни сўранглар: ижодкорлар учун инглизча суҳбат клубимни пуллик қилиб очай.
Қандай қилиб чет элдаги ижодий давраларга боришни сўранг: пуллик семинарлар ташкил этиб, майдалаб тушунтирайин, ўргатайин.
Қандай қилиб асарингизни чет тилига таржима қилиш ва босиш йўлларини сўранг: тажрибам билан ўртоқлашиш учун мактабингиз, университетингизга борайин.
Фақат ҳақ шундоқ ҳам зўрға кун кўраётган ижодкор чўнтагидан чиқишини истамайман. Ташкилотингиз, университетингизга айтинг. Кучлироқ, илғорроқ ўқувчи, талаба, устоз етиштиришни исташса, мен билан боғланишсин!
