Бугун Англияда нашр этилган «All in the Same Boat: An Anthology of Anti-Fascist Poetry» халқаро шеърият антологияси етиб келди.
Франсис Комб ва Энди Крофт таҳрири остида нашр этилган ушбу тўпламда 30 тилда ижод қилувчи 61 нафар шоир, шу жумладан каминанинг, шеърлари жамланган. Уларни бирлаштирган ғоя — қоронғуликка таслим бўлмаслик, фашизм, ирқчилик ва авторитаризмга қарши сўз айтиш, инсон эркинлиги ва қадр-қимматини ҳимоя қилиш.
Бундай антологиялар турли тилларда сўзлайдиган, турли мамлакатларда яшайдиган ижодкорларни бир-бирига яқинлаштиради.
Ўзбек шоирлари ва ёзувчиларининг ҳам шундай халқаро тўпламларда кўпроқ иштирок этишини истайман. Бу каналда улашаётганим имкониятлардан фойдаланинг, бўлишинг, билмаганингизни бемалол сўранг.
