Констанцага эрталаб етиб келган кунимиз, бизни илиқ кутиб олган инсон Танер Мурат бўлди. У бизни Констанцанинг эски шаҳри бўйлаб айлантирди, шаҳар тарихи, одамлари, маданияти ҳақида сўзлаб берди. Йўл-йўлакай адабиёт, тиллар ва ҳаёт ҳақида фикр алмашдик.
Танер — шоир, таржимон ва адабиётга меҳр қўйган ижодкор. У бир неча тилдаги хайку антологияларини тузган. Ушбу лойиҳалардан бирида мен ҳам ўзбек тилига таржимон сифатида қатнашганман.
Танердаги самимият, ўзи туғилиб ўсган шаҳарни меҳмонларга кўрсатиши, табассуми бутун умр эсимда қолади. Илоё кўп яшасин!
