Танишинг: Мусфира Мунавварова, ҳайкулар ёзадиган шоира. Юсуке билан танишиш учун атайин Навоийдан етиб келдилар. Уларнинг суҳбатини таржима қилиб, ҳокку ва ҳайкунинг фарқи, ренши, киго каби янги нарсаларни билиб олдим.
Ҳайку аслида уч сатр эмас, балки бир сатрдан иборатлигини билармидингиз? Яъни бизга уч мисрадай (5-7-5 бўғинли) кўринувчи ҳайку япон ёзувида бир вертикал сатрдир.
Ҳокку бу Басё замонида бир неча шоирлар тўпланиб (ренши) ёзадиган 36 бандли шеърнинг бошланиши (матлаъ) холос.
Ҳайкуда киго (фаслга оид бирор образ) ва албатта юмор бўлмоғи керак.
Бироқ у турли халқлар адабиётига турлича ўзгаришлар билан кириб келди.
