#Савол-жавоб
Савол: Анчадан буён шеър ва ҳикоялар ёзаман. Шуларни инглизчага ўгириб, чоп этишни маслаҳат беришяпти. Бу борада маслаҳат бера, йўл–йўриқ кўрсата оласизми?
Жавоб: Ҳа, мендан ўзи асосан шу саволни сўрашади, ҳаммаларига ётиғи билан тушунтириб, жавоб берганман.
Агар ростдан ҳам маслаҳатимга қулоқ тутмоқчи бўлсангиз, энг аввало, сабрли бўлишингиз лозим.
- Кимдир ёзганингизга “лайк” босса ё ёқтирса, шошилиб, ҳовлиқиб кетманг. Сизга ёзганларингизни дарҳол таржима қилдириб, чоп эттириш керак дейдиганлар аслида бу борада кўп нарсани яхши тушунмайди.
- Ёзиш – менинг ишим деб қатъий қарор қилган бўлсангиз, давом этинг!
- Ҳозирдан таржимон излаб овора бўлманг: ўзингиз тил ўрганинг ва асарингиз, китобингиздан аввал жисмонан чет элларга ўзингиз чиқинг!
Каминани сал таниган ё кимдандир эшитган бўлсангиз, энди ижодий йўлимни яхшилаб ўрганиб чиқинг. Ҳамма ишим, лойиҳаларим, фикрларим, йўл-йўриқларим мана бу ерда: http://azamabidov.uz/
Яна, шунчаки ёзиш эмас, ўсишни, қатъий принципли бутун ижодкор бўлишни, дунёга чиқишни истаганларни мана бу каналимга ҳам таклиф этаман. Бошқа дўстларингизни ҳам чорланг. Бирга-бирга ўсайлик! Саволлар ёзиб туринг! Албатта жавоб бераман!
