Тил-у дилда шукур эл.

Нолимайди тақдирдан,

Лек оғриғи чуқур эл!

Йўқдир ишга қодирнинг

Оёқ етмас диёри,

Ҳатто кенжа ботирнинг

“Суриш керак!” – шиори.

Учиргайлар бир қушни

Гоҳ бу шох, гоҳ у ёнга,

Йўлбарс қилар юмушни

Юклатилган қуёнга!

Ваъдалари тумтароқ,

Топингани хусусмат.

“Кимнинг ери каттароқ?” –

Пойгалашар ҳукумат!

Не тизилур қисматда –

Ал аввалу охири,

Ёзувчиси узлатда,

Бўлса ғариб шоири?

Юрак ёнар, вовайло,

Шафқат кутиб бежиз-а…

О, раҳм қил, Худоё:

Индир бизга мўъжиза!

Кечиктирсанг ўлимни

Ўздан ўзга қочгум ман!

Ким ҳам тутар қўлимни,

На шайх, на шоҳ: ҳеч кимман!