Бузғунчи ташқи кучлар ким бўлди экан? Улар ғарбдами, жанубдами? Кимдан эҳтиёт бўлмоғимиз керак, нега аниқ айтишолмайди? Одатда, расмийлар тилига чиқара олмайдиган гапни норасмийлар баралла оммага сиздиради. Аммо бузғунчиларни таниб олганимизда ҳам муаммо дарров ечилиб қолмайди-ку. Жамиятдаги жуда кўп низоларнинг ечими, энг аввало, айбни ўзимиздан қидиришдадир. Нафақат қидириш, балки энг катта айбдор ўзимиз, дея тан олишда! Бизда кимдирам “айбдор менман” деб айта олганми ҳеч?
