Савол: Инглиз тилини академик IELTS даражасидан юқори score қўлга киритиш учун ўрганаяпман. Умр жуда тез ўтиб кетар экан, биз ҳам дунёга чиқайлик, бошқаларни ҳам тарғиб қилиб, кўпчиликка нафимиз тегсин. Тил ўрганиш бўйича қандай маслаҳат берасиз?
Жавоб: Инглиз ё бошқа тилни ҳаётингизда нима учун кераклигини аниқ-тиниқ белгилаб олиб, кейин ўргансангиз, анча осон бўлади. Масалан, даража ва сертификатлар асосан ўқишга кириш ва ё давом эттириш учун керак бўлади. Кундалик ҳаётда, ижод одами сифатида керак бўладиган инглиз тили учун ҳеч қандай ҳужжат олиш шартмас.
Тилни Ютуб, “Ибрат” ва бошқа кўплаб платформалардан бепул ўрганиш имкони бор. Қўшимчасига элчихона ва кутубхоналардаги суҳбат клубларига бориб туриш тезроқ мулоқот қилишда фойдали бўлади. Яна ижтимоий тармоқларда чет эллик ижодкорлар билан танишиб, ҳеч йўқ ёзишмалар орқали мустаҳкамлаб бориш лозим. Лекин, энг асосийси, юзма-юз суҳбатларда чет элликлар билан тортинмай суҳбатга киришишни ўрганишдир.
Бизнинг мустақил халқаро резиденция дастуримиз бунинг учун сизларга катта ёрдам бериши мумкин.
Тошкент, Жиззах, Самарқанд, Наманган, Андижон ва Фарғона вилоятларида биз билан бирга бўлинг! Тадбирларимиз 5 апрелдан 20 апрелгача. Каналимда қачон, нима, қаерда бўлишини ёзиб тураман. Ёзолмасам, ўзингиз менга қайдалигимизни сўраб, ёзинг ё қўнғироқ қилиб туринг.
