О, Самарқанд аҳли, қандай гўзал, фахрланса арзигулик ўғлонларингиз бор! Бугун уларнинг қадрига етинг!
Каримберди ака каби ижодкорлар ташаббуси билан ўтаётган бундай адабий байрамлар айнан бугунги кунда жуда зарур. Китоб тақдимоти, китоб ярмаркаси, ёзувчилар билан очиқ мулоқот – булар жамиятимизни маънавий юксалтиришга хизмат қиладиган, бағрикенглик ва тинчликка улкан ҳисса қўшадиган ноёб имкониятдир!
Самарқанд аҳлини ушбу тадбирда фаол иштирок этишга чорлайман! Айниқса, Самарқанд давлат чет тиллар институти ўқитувчилари ва талабалари учун бу ёзувчи ва шоирлар билан яқиндан танишиш, уларнинг асарларини жаҳон тилларига таржима қилишни бошлаш учун энг зўр фурсатдир!
Бу каби тадбирлар бутун Ўзбекистон бўйлаб ўрнак, модель бўлиши керак. Энг муҳими, бу тадбир очиқ ва жонли жамоат маконида ўтаётгани билан янада қадрли!
