Ҳозирча дунёнинг 50 дан ортиқ давлатида бўлдим.
Франция, Бельгия ва Германия орасидаги бу мамлакат эса миттилиги билан ажралиб туради. Атиги 700 минг аҳолиси бор. Аммо ҳар куни юз минглаб одамлар қўшни давлатлардан ишлаш учун шу ерга келади. Бу ерда жамоат транспорти бутун мамлакат бўйлаб бепул.
Харитада жуда кичик кўринса-да, ташқи кўриниши билан эртакни эслатади. Қадимий қалъа деворлари ва чуқур даралар орасида вақт секинроқ ўтаётгандек.
Бу ерга келган шоир ва ёзувчилар унинг гўзаллигини асарларига муҳрлаган. Мен эса шаҳар бўйлаб кезарканман, адабиёт ҳам саёҳатнинг бир тури эканини ўйлайман.
Дунёнинг қай бурчи?
