Тил шўрлаган – аччиқ ул!
Дил кирлаган – санчиқ ул!
Эл хўрлаган – балчиқ ул!
Урра-урра!
Рози кам, мўл разолат,
Қози жам, нўл адолат,
Кўзи нам, қўл хижолат,
Урра-урра!
Фурсат бор, фаросат йўқ,
Шаҳват бор, шижоат йўқ,
Хилват бор, ҳаловат йўқ,
Урра-урра!
Гоҳ мухолиф, исёнсан,
Ишонмадинг: душмонсан
Қийноқ ичра пушмонсан,
Урра-урра!
Ортда кўлмак – нажосат,
Нақдга тўлмак – раёсат,
Тахтда ўлмак – сиёсат!
Урра-урра!!!
