Раживан Тачом Пойил

r thachom poyilРаживан Тачом Пойил – ҳинд шоири, 1959 йилда Ҳиндистонда туғилган шоир, малайалам ва инглиз тилида ижод қилади. Бир нечта шеърий китоблари ва эсселар тўплами нашрдан чиққан. Инглиз тилидаги шеърлари Ҳиндистон ва хориждаги жуда кўп антологияларда босилган. Ижод намуналар италян, булғор, тамил, каннада, марати, ўзбек ва бошқа тилларга таржима қилинган. “The New Indian Express” ва “The Hindu” нашрлари учун асарлар ёзиб туради. «Yeti Books» нашриёти муҳаррири. Ўзбек шоир ва ёзувчилари билан ижодий алоқаларни йўлга қўйган.

Ёниш
Ёнаётган кўчада
ловуллаган уй
ёнаётган хона
ёниб очаман
ёнаётган эшикни

Оловли тахта ўрнига
Ётиб оламан
Ёниб

Тун кулга дўнди
Тахта ўриндиķмас
на эшик
ё хона
ва на уй
кўча

рўйи заминда бир
ёнаётган
МЕН

 
Кўллар
Бошни
дум деб
атаса бўлар

мушукни
каламуш

тунни
кун дея

уйķуни
уйғониш

йиғи
кулгудир

ķамоķ-чи
бўш кенглик

симёғоч
сояли дарахт

тобут-чи
бешик

фаķат кўзларни
ҳеч ķачон ёпилмас
кўллар деб
юрма.

 

Дарахт

ерга уруғ мисол
кўмилган
менман

майса бўлиб
унган
сен ўзинг

баргдай ҳазон бўлган
тўкилган
бу – мен

гулдай ķувонч ичра
ķиķирлаган
сен

илдизлардай
ерга суķилган
менман

мева бўлиб
тугилган
ўзинг

ёмғирларда
ҳўл бўлган
бу – мен

ķуёшда ҳурликни
куйлаган
сенсан

шамолда тентираб
азобланган
мен

ойдинларда
ўй сурган
сенсан

хочга маҳкам
михланган
ўзим

сурат битиб
тирилган
сенсан.

 

Уй

Ерга тушиб кетар
битта тош
ва дафъатан айланар полга
пол девордай кетар ёйилиб
девордан том ўсиб чиķади

Томнинг устида
девордан ташķари
пол атрофида
тошдан ķуйида
бузиб юбораман мен
бу уйни.

 

Шеърият йўķ энди

Шеърлардан ҳеч ķачон баёз тузмангиз:
уларнинг ўзлари китобга кирсин:
«Сигир» номли шеър
«Майса» отлиķ шеърни еб ķўяр,
«Йўлбарс» эса ķувлаб юради
«Сигир»ни
«Йўлбарс»ни-чи ўлдирар
«Овчи».

Ҳеч ķачон шеър ўķиманг:
Тилнинг бошķа бир ķирғоғига
Ўтмоķликдан анча илгари
«Ер» отлиķ шеър чўкиб улгурар
«Денгиз» ичига
«Олов» шеъри эса бир зумда
кулин кўкка совурар «Уй»нинг,
«Она юрт»у
«Шаҳар»ни ҳатто.

Ҳеч ķачон шеър ёзманг:
ёзувларнинг ķоронғусида
саводсиздек ķолган товушлар
уйғониб кетади
боши кесик, кўмиб ташланган
ишкал сўзлар, синиķ образлар
ķўлга ķурол олар тўсатдан
Маҳабали сўзлари ķайтар
Нуķта белгисини
Сўроķлар сўроķ
ķўриķчига айланар
ундов белгиси.

Ёзилмаган шеър лаънатлаган
Китоб – алфавитлар тобути
Чинķириб юборар.

 

 

Инглиз тилидан Аъзам Обид таржима қилди