Ким алдади, алданди биров,
Ёғди ишонч бошига қиров,
Эрта ахир келгайдир сўров,
Ё олма, ё олганни қайтар!
Олишда-ку кирар жон, ё раб,
Рўкач бўлар шуҳрат-шон, ё раб,
Охир ўзинг боргайсан сўраб,
Ё олма, ё олганни қайтар!
Босма, кўнгил, савоб устига,
Ишлатгандир каму-кўстига,
Ким мол берса, берар дўстига,
Ё олма, ё олганни қайтар!
Бугун битта сичқон қасдида,
Э воҳ, яна қирқ ёрсанг қилни.
Эрта муштдек елканг устида
Осгайдирлар минг битта филни!
Ким алданар, алдайди биров,
Ёғар ишонч бошига қиров,
Бир кун ахир келгайдир сўров…
Ё олма, ё олганни қайтар!
