Эй, ҳосид,
сенинг ҳам боғинг кўкарсин,
Бўлишишни касб эт —
Зўр омадли бўл!
Майли, маддоҳларинг кўкка кўтарсин,
Бизнинг… Ҳақ олдида зафаримиз мўл.
Эй, зоҳид,
Ҳар жонки тотгуси шарбат,
Келмоғ-у кетмоққа бор биттадан йўл.
Сенинг ҳам гулзоринг яшнаюр албат,
Минг шукур, дун ичра сафаримиз мўл!
Ё, Воҳид,
Бор олам – Ватан, сезгайман,
Нурингга чулғолсам ҳар дамларимни.
Агар Сен истасанг – яна кезгайман,
Ҳали сустлатмасман қадамларимни!
