Имкониятдан фойдаланаётганлар ким?

Саёҳатсевар, доим яхшилик улашиб юрувчи шоира опам Роҳила Сиддиқ савол беряптилар: Сиз улашаётган ўнлаб имкониятлардан кимлар фойдаланяпти? Бу имкониятлар фойдаланувчиларга етиб боряптими?

Жавобим мана бу: Имконият ҳақида билиб туриб, уни бошқалар билан бўлишмаслик — энг ёмон худбинликдир. Бир имконият ҳаётни тубдан ўзгартириши, бир инсоннинг орзусини рўёбга чиқариши мумкин. Камина имкониятларни тақдим этиб, улардан ким фойдалангани ё ким ундан маҳрум бўлганини назорат қила олмайман. Аммо билганимизни яширсак ёки ўзимизнигина ўйласак, яхши инсонлар қаторида эмасмиз.

Имкониятларни тарқатиш — ақлли, ёрдамсевар ва меҳрли инсоннинг белгиси. Чунки асл мақсадимиз — ўзбек ижодкорлари шу имкониятлардан фойдаланиб, дунёга чиқиши, дунё ижодкорлари билан беллашиши, улар билан бир сафда тура олиши ва кучли бўлиши. Биз эса бу йўлда фақат кичик кўприкмиз холос; йўлларни кенг ва равон қилгувчи эса Оллоҳнинг Ўзидир.

Шундай экан, ҳар биримиз имкониятларни қидириб, топиб, бир-биримиз билан бўлишайлик. Чунки имконият сўраш эмас, балки уни бериш қудрати энг катта фазилатдир. Сиз нима деб ўйлайсиз? Орангизда шунча имкониятдан фойдаланаётганлар борми?