Category: Шеърлар

Қабрлар оралаб тентийсан хомуш, Намозшомга азон айтади майса. Бир кун очилгайдир сенга бу оғуш, Керилиб ётволгинг келар жилмайса… Тупроқнинг устида топмайсан ҳузур, Руҳни парчалаган нокас зулмими? Ўргатгандай бўлар, оҳ, аҳли қубур Лаҳадга кирволиш илмини…

Яна бир ишқий кун ўртайди руҳим, Юрак мушаклари ёнар жизғанак, Тошдай ҳаётимга чўкар андуҳим, Бахтим бағрингизга кириб қизғанар. Кошки биз дунёга келмаган бўлсак, Икки ёнга кетсак, бўлур талош ким? Бизни севмаганга бўлмасак эрмак, Бизни суйганники бўлолсак кошки! Яна бир ишқий[…]

Бу кўхна, қўллари титроқзаминни Босмай юриб бўлмас, кўзим етмайди. Ўзини фаришта санаса кимки Албатта осмонга учиб кетмайди. Кечиргил, икков ҳам эрурмиз асир, Оламнинг яралган кунидан бери. Шукур, жим кўтариб юрибмиз ахир, Сен мени, мен эса ўзингни, ЕРИМ!

Сени бу заминдан кўчиргим келар, Бутун борлиғингни этиб ғайри ҳол. Қаро тупроққа ҳам суянса бўлар, Мусаффо заминда кўкарган ниҳол. Ҳали бу дунёни алдайверар шон, Бизни ёлғизлатмас дўстона шамол. Қурисак, Осмонда қовжирасин жон, Қуласак, Паноҳга олар Зулжамол!

Кўнглим осмон қадар ўсармукин, Ёлғон тилларимиз кесармукин, Рўзи азалгача яшармукин, Кўҳна дунё, кўҳна дунё! Ёрилмаган юраклари аёлларнинг, Бардоши зўр қистовига чаёнларнинг, Наҳот-наҳот банд этмайди хаёлларинг, Момо χаво, Момо χаво!

Озор надир, бўлурмиз зор-зор, Фироқ надир, йироқ-йироқ йўл, Бу дунёси бизга келур тор, Кетажакмиз севгига мўл-кўл. Оҳ орқали топурмиз паноҳ, Юрак зил-зил, сохта хандалар, Бу шундайин бебақо фано – Ишқдан ўлар ишқсиз бандалар!

Руҳим қақшар, жониммас, Қаҳрингни ол, Худойим! Бандам, дея ёниммас Меҳрингни ол, Худойим! Оҳ, суямиз, севгимиз Суянч топмай зору зор, Бот куямиз, кулгимиз Бўғзимизда тору мор.

Ёмғир эмас, устимдан Раҳмат ёғар томчилаб. Балки гуноҳ қасдидан Тушаётир қамчилар. Бу не, пана қилмоқдан Соябонми ёпганинг? Во дариғо, қийноқдан Қутқарарми чопганинг?

Рухсат беринг, Очилсин кўзим, Мўрт тилимга қайтсин ёруғ сўз, Юрагимга кийдиринг тўзим, Руҳ устига илинг ёмғирпўш, Рухсат беринг, Нафасим ичга Тушиб кетган Олайин тортиб, Қўлларимни қайтаринг кучга, Қадамларим бўлсин ботартиб. Эрка эрким турар ўксиниб, Қараб турар менга мўлтираб, Парча-парча этиб[…]

Ёнингда турибман бир сўз деёлмай, Юрагим жўшқирар вулқон сингари Қани кўзларингга боқсам уёлмай, Мулойимгинамас, бўлиб жангари – Шаҳдам туролсайдим изҳори дилга, Қўлларингдан тутиб, силасам сочинг, Бағримда бир нафас баҳринг очилгай, Бахтинг қучмоқликка етмас қулочинг! Аммо, бир гап чиқмас сўз эшигидан,[…]